ოზურგეთის კლინიკაში გოლიათი დაიბადა – ჩვილი 5,600 კილოგრამს იწონის

8 იანვარს, ოზურგეთის კლინიკაში „მედალფა“ გოლიათი ბიჭი დაიბადა – ვაჩე კვერღელიძე 5,600 კილოგრამია. ინფორმაციას სოციალურ ქსელში ოზურგეთის მუნიციპალიტეტის მერია ავრცელებს:

„ვაჩესთან ერთად, სამედიცინო ცენტრში მყოფი ახალშობილები – დემეტრე სიჭინავა და ირინე დარჩია მოვინახულეთ. მათ მშობლებს დამდეგი კალანდა მივულოცეთ და საახალწლო საჩუქრები გადავეცით. ჯანმრთელობას და ბედნიერ მომავალს ვუსურვებ პატარებს!“, – ამბობს ავთანდილ თალაკვაძე.