“საშინელება იყო რაც ვნახე… არ ვიცი, რა ვთქვა! ტელევიზორი შემზიზღდა” – რას ამბობს ზურა ყიფშიძე?

“ჩემს ასაკში ძალიან რთულია ამ ყველაფერს აუღელვებლად უყურო. დღეს ძალიანაც რომ მოინდომო, აპოლიტიკური ვერ იქნები. მე ვერაფერს ვიტყვი ვერც გამოსავალზე და ვერც იმაზე, სად დავუშვით ყველაზე დიდი შეცდომა, მაგრამ რაღაც ისე რომ არ არის, როგორც უნდა იყოს, ყველა ვხვდებით. ვიღაცამ უნდა მოინდომოს და შეცვალოს უკეთესობისკენ ეს ქვეყანა” – ამის შესახებ მსახიობმა ზურა ყიფშიძემ “კვირის პალიტრას” განუცხადა.

ყიფშიძის თქმით, საშინელება იყო, რაც პარლამენტის წინ ნახა.

“ჩვენ უსიყვარულობა გვჭირს – ეს არის ერთ-ერთი სვლა იმისთვის, რომ ზოგიერთმა ეგო დაიკმაყოფილოს, ძალაუფლება მოიპოვოს, მოიპარონ, მერე შური იძიონ და ა.შ. ქართველებს არ შეგვიძლია, რომ არ დავეტაკოთ ერთმანეთს, შარი არ მოვდოთ და გული არ ვატკინოთ. …დედამიწა გაგიჟდა. ჩვენ ზედაპირულად ვიცით რაღაცები, ნეტავ სინამდვილეში როგორაა საქმე. ჩვენ კი არ ვცხოვრობთ, პოლიტიკით ვართ შეპყრობილი. ვერ დავალაგეთ ქვეყანა და გაუთავებელ მოლოდინსა და გარდამავალ პერიოდში ვართ.

საშინელება იყო, რაც პარლამენტის წინ ვნახე! ეს ცემა-ტყეპა ისეთი საშინელება იყო, არ ვიცი, რა ვთქვა! ტელევიზორი შემზიზღდა, ხანდაზმული კაცი ვარ და რომ ვუყურებ, სულ მეცრემლება. ეს ცემა-ტყეპა არაფერია იმასთან შედარებით, ისეთი ცემა იციან და იცოდნენ ყოველთვის პოლიციაში. კომუნისტების დროსაც, მერეც, სააკაშვილმა ხომ “ხელოვნებად” აქცია. რა უნდა გითხრათ, მრცხვენია ამ ყველაფრის გამო! სამწუხაროდ, ძალადობა ყოველთვის იყო” – ამბობს ყიფშიძე.

განაგრძეთ კითხვა>>>